الرئيسية / كلمات الشيلات / كلمات شيلة يابخيله قلبي يسوق العـزاوي

كلمات شيلة يابخيله قلبي يسوق العـزاوي


يابخيله قلبي يسوق العـزاوي
ماخبرتك بالوصـل كنتي بخيله

في غيابك جرح يالخشف الحياوي
والدواء شوفة محاسنك الجميله

جرح كنه مضرب النجم السماوي
هاويٍ له من سما عجزت تشيله

غيبتك عنـي من كبـار البلاوي
ليه وبلك ماجرح صدري مسيلة

ذيب هجرك ليه بين الحدب عـاوي
لا تصيبك حوبة الروح العليلـه

المواصل طب للقلب الهواوي
يحيـي عـروقـ الغلا لو هي قتيله

لاجل وصلك تبري الساق الخطاوي
تقصر دروبك ولو كانت طويله

ابك دونك مرحبا بك يالمناوي
دامك انتي منوة القلب وعديله

ياعيون الظبي يالعنق الرهاوي
ياصباح الكون والقمرا ب ليـلـه

ياقفورن طلعهـا كلـه ارجــاوي
من مزون الوسـم تسقى كل ليله

انتي احلى من حلا التمرالحساوي
واروع من البرق لا شــب المخيلـة

نور وجهك من ضياه الليـل ضاوي
تسحبين الليل الاسود فــي جديله

زين كل الكـون جنبك وش يساوي
ربع حسنك دونه تكون الحصيـله

اثر كل الـزين غش وملــح رواي
حسنـك الفتان مانلقى مثيلـه

ياجميله كل عمري لك فداوي
فوق عرش القلب ماغيـرك نـزيـله

كان جدتي بالوصل حالي غناوي
معك عمـري كل لحظاته جميلـه

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *