الرئيسية / كلمات الشيلات / كلمات شيلة كبرنا وانتهينا

كلمات شيلة كبرنا وانتهينا


بعد كل السنين اللي مضت رديت ؟ صح النوم …
كبرنا وإنتهينا ../ ومستحيل نعود مثل أول

نطرتك لين مليت الاماكن في هذاك اليوم ..
عسى عمرك طويل ولكن غيابك بعد طول

بعد كنت العظيم اللي يقوم القلب يوم تقوم …
غلاك اللي معذبني من اعلى خافقي حول

وبعد كنت الوحيد اللي يتجول داخلي ويحوم …
جذبتك من خفوقي لا تحوم ولنت متجول

فمان الله يا اجمل من سكن قلبي وعداك اللوم …
تاخرت وصحى صدرن من اقشر ضيقك مفول

انا الاول بقلبك والوفا والحب والمحروم …
ولكن رحت واوجعت الضلوع وغبت يالاول

انا الاول بقلبك واول احبابك والاول دوم …
ولكن كل شي(ن) في غيابك قام يتحول

يا هول الوقت في وجه الفراق وعن لذيذ النوم ..
يحد الضايق اللي من عذاب الوقت متهول

انا جيتك كريم بكل مافيني وفرقت السوم …
وتحسب ان جيتي لدافي غلاك العذب متسول

وتبينا الحين نرجع بعد هذا الوقت ؟ صح النوم …
كبرنا وانتهينا ../ ومستحيل نعود مثل اول

كلمات كلمات اغاني كلمات خواطر كلمات شيلات كلمات قصائد واشعار كلمات منشورة كلمات منوعة

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *