الرئيسية / كلمات الشيلات / كلمات شيلة راعي العيون

كلمات شيلة راعي العيون


يردك علي من رد يوسف على يعقوب
ياراعي العيون اللي وساع محاجرها
كسر خاطري كسره الاصيله من العرقوب
فراقك وسكين السنين وخناجرها

احبك ولا اقدر عن هواك انتصح واتوب
الين العرب تاخذ عظامي وتقبرها
واحنك من البرد اللي يجيك ولا هب
ومن هرجه اللي هرجته مايقدرها

مشتاق لك شوق اللي حوارها مجلوب
حدا باهلها الحاجه وباعوا حويرها
غرامك هو الغالب حبيبي وانا المغلوب
ونفسي عجزت اجحد غيابك واصبرها

على كثر ماتاخذ علي فالغياب ذنوب
مسامحك والله ياغناتي اكفرها
دخيل العيون اللي من اقسامها مصيوب
على شوفتك عوضن عيوني وبشرها

لاتفرح علي من يحسبون الهوى عذروب
وحب النفوس الصادقه وش يغيرها
وانا كل ما يطري علي غاية المطلوب
كما مضيع الحاجه لا روح يدورها

وصاروا العرب في صوبن ثاني ونا في صوب
وضاق الصدر والعين هلت عبايرها
ياليت الهوى مافيه صده وكسر قلوب
وكسر القلوب العاشقه من يجبرها

كلمات كلمات اغاني كلمات خواطر كلمات شيلات كلمات قصائد واشعار كلمات منشورة كلمات منوعة

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *