الرئيسية / كلمات الشيلات / كلمات شيلة ذكرى غيابك سواد الليل يحييها

كلمات شيلة ذكرى غيابك سواد الليل يحييها


ذكرى غيابك سواد الليل يحييها
يوم الجفا برك بوصله وهلابك

من غير لا تذكر الفرقا وتطريها
انا ادري انك نويت مفارق احبابك

من بحة الصوت بانت لي مواريها
من قبل لا تعلن النيه على غيابك

قريت نظرات عينك وش معانيها
بالدمعه اللي نداها يسقي اهدابك

ياراهن الروح قلي وش بقى فيها
سوالف الليل صفحاته من كتابك

هذي هداياك تشكي لي واواسيها
مسباحي وساعتي والبوك واطيابك

وارش عطرك على ثيابي واداريها
كني اشم العطر في ريحة ثيابك

ماغت والصورة اللي غاب راعيها
ذكراك تبقى ولو الوقت قفى بك

عايش على هامش الذكرى وباقيها
ارقد على بسمتك واصحى من عتابك

مداين الوجد تبكينا مبانيها
وليل الشوارع غزاه الصمت ب اسبابك

كثر الهواجيس تاخذني واوديها
للبارق اللي يوداع باقي ركابك

ونتيجه الشوق باولها وتاليها
بغيت قربك واشوف الوقت عيابك

هذا القدر لا نوى حاجه يسويها
مايمهلك وقت ثاني تحسب حسابك

دنياك تاخذ من حظوظك وتعطيها
والحظ ياخذك مني مثل ماجابك

خل الاماني تموت بجوف راعيها
ماباقي الا صدى ذكراك يغتابك

تغيب وابقى مع اطيوفك واطاريها
من وين مارحت تلقاني على بابك

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *