الرئيسية / كلمات الشيلات / كلمات شيلة خطيت

كلمات شيلة خطيت


خبرى بحرف الميم رسم على الباب
حبرة بقا واللة محتة الهبايب
ماجيت يمة بعد ماخاطرى طاب
اربع مواسم عن هلا الدار غايب

نسيت دربن كان للقلب تعاب
والموعد الى عود اليوم شايب
شخص تنكرى وفية الرجا خاب
مريت عن دنياه مر السحايب

ان لغير الود ماكنت طلاب
مرخص لعينة غاليات الطلايب
بيحت سدى عندى ربعى والاجناب
والى درى بى قال واللة عجايب

قصة غرامن عشتها لوم وعتاب
بردن على كبدة وكبدى لهايب
الكون ضاق وضامنى حرق الاعصاب
كثر النصايح حولت للمصايب

والى دعانى ميس الغد لعاب
من وسط كفى ماخذينة قرايب
الجرح بعد الجرح نحسبلة حساب
من شافناماقال ذولة حبايب

وابعدت ماكنى من الشوق منصاب
ضيم الهوى عزم وشد الركايب
لاشك ياعمار عضيت بالناب
كف الحسافة واصبعى منة ذايب

ماقد همل دمع على الخد كذاب
ولا خبرت فراق مالة سبايب
اللة حمانى من غمات سود الاهداب
فكيت نفسى من جميع النشايب

ودعت حرف الميم رسم على الباب
حبرة بقاوالا محتة الهبايب
خبرى بحرف الميم رسم على الباب
حبرة بقا والامحتة الهبايب

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *