الرئيسية / كلمات الشيلات / كلمات شيلة حلم ابليس بالجنة

كلمات شيلة حلم ابليس بالجنة


وشلون ابنساك ؟ وانت اللي على بالي
عشره مع الغير نار وعشرتـك جنـه

انا تمنيتـك وجيتـك علـى فالـي
ومافيه غيرك عروق القلـب حبنـه

وماكل شخص ٍ دخل بالقلب لي غالي
في فرق واضح مابين الفرض والسنـه

أحد ٍ لياشفت زولـه ينشـرح بالـي
و أحد ٍ تضيق العيون اللي يشوفنـه

و أحد ٍ إذا غاب عني , ضافت احوالي
و أحد ٍ اذا غاب , قلبي مادرى عنـه

و أحد ٍ ليامن عطا يعطيـك بالحالـي
و أحد ٍ ليامن عطى يعطيك بالمنـه !

و أحد ٍ يخفّي المرار ويبـدي الحالـي
و احد ٍ يسم البدن لو تستمـع منـه

من قبل اعرفك خفوقي بالهوى خالـي
وانت الوحيد اللذي عيونـي تحالنـه

في لحضة الشوق , لا واعي و لا سالي
وانـا معـك بيـن يمكنـه ولكنـه

وعيني بعينك واشوف انواع واشكالي
من خاطر ٍ منشغـل وعلـوم يذنـه

وسمعت وش ضايقك ياسمح الأقبالـي
وبيّحت من خاطرك كل علم ٍ تكنـه

إن كنت خايف من الهجران يالغالـي؟
إسمع كلام اللذي ظنك علـى ظنـه

وشلون ابنساك ياللي شاغل ٍ بالـي ؟
تبيني أنساك ؟ حلم ابليـس بالجنـه

كلمات كلمات اغاني كلمات خواطر كلمات شيلات كلمات قصائد واشعار كلمات منشورة كلمات منوعة

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *