الرئيسية / كلمات الشيلات / كلمات شيلة بحر حبك

كلمات شيلة بحر حبك


 عشقتك يا الغلا واحساس قلبي والعيون اشهود
  وعلمتك وش اسباب الغلا والحب كم مره
حبيبي لاتفرط في غلاتك دامني موجود
 ترى حدب الحنايا من سوايا الحب محتره
يذكرني ظلام الليل نظرات العيون السود
 دلع مدري حلا مدري من الثنتين مغتره
تعال وفتش بقلبي وعلمني وش الموجود
وترى حقك علي ان كان غيرك شفت له جره
بحر حبك قطع فيني مسافة ما وراها حدود
  اقول لعاتي امواجه متى نرسي على بره
اقاوم لهفة اشواقي وادريها عن المنقود
 والملم ضايع احلامي معك واعاود الكره
ترى مافي حياتي شي غيرك غالي ومفقود
 ولابعيني مثل طيفك يسج القلب لاا مره
اترجملك احاسيسي واببذل للغلا مجهود
 يطول الوقت او يقصر حبيبك له عمره
ولا ودي تجازيني عقب وصل الهوا بصدود
 ترى قلبي عقب حبك خساره انك تضره
 تصد وتقفي ومدري من اصدودك وش المقصود
غلاك اللي سكن قلبي تخالط حلوه ومره
 حرام اتضيع احلامي وزهرة عمري المعدود
ابي لو مرة بعمرك تسوي حاجة اتسره
تأكد لو يطول الهجر ان عندي غلاك يزود
ابمشي في طريق الحب وارضى بخيره وشره
كلمات كلمات اغاني كلمات خواطر كلمات شيلات كلمات قصائد واشعار كلمات منشورة كلمات منوعة

عن كلمات شيلات كلمات الشيلات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *